Get latest updates about SEO
My Ordeal at a Pool Side Party (Part II)
Sugar Paul Emmanuel
begin squeeze him face like monkey wey lick lime, but do I care? Every Aboki get him own kettle, so make everybody go find him towel where him hang am. And answer him Papa name. Na friend we be. You no be my brother. I turn face the waitress, I told her "He will pay for his beer" The girl face sugar. Na so him bring him wallet out pay for the beer. As him dey pay, na so him dey squeeze face dey look me. As him dey squeeze face, na so me too I dey squeeze. Iron shapeneth iron. My days of doing the boy is good are over!
Na so the girl go. Sugar come face me, him say "But na wah for you o, so ikwerreone you no fit buy me ordinary beer? I reply am with "Thunder Fire you there, since wey me and you be friend, you don buy anything for me before? You fit count how many times I don buy and dash you something? If I buy clothes or shoes wey no size me, I go dash you, but if na you buy clothes wey no size you, you go tell me say "ikwerre you go buy cloth"? Sugar no let me tell you say "Amadioha kill you again o"
Him shock, because since wey me with am be friends, I just dey mumu follow am. Him no know say
people don show me shege! Especially porthacourt girls, so I don wise up.
Him say e never reach like dat. We still be friends. You know say me and you come from the same village. I tell am say I don hear. I look left, I look right, I see say nobody dey look me, I carry the bottled water chuk inside my bag.
Sugar say ikwerreone wetin you dey do? I tell am say I dey carry the bottled water go house. Him begin laugh me. But do I care? I tell am say wetin dey funny you? You no know how much I buy the water? na 1k o. This kind water no be wetin dem dey rush drink, you go take your time sip am small small so dat you go enjoy your money. If I carry this water reach house, I go dey use am take dey dilute the tap water wey I dey drink for house.
Him come say, but shebi you say you dey thirsty na? I reply am with, no worry, if I enter pool, I go drink enough pool water to quence my thirst. Him say, ikwerre you want drink swimming pool water? Na chemical full the water o, I tell am say, forget that thing. Na today we don dey drink swimming pool water? I don dey go swim o. Na so I get up. Him say no problem, say him go join me after him finish him beer. I say no wahala. I entered the changing room. I come pull my clothes. I shower small, I come go enter the pool from the shallow side. As I dey Waka small small inside the pool, when I see say the water don reach my neck, I chuk my head inside the pool. I held my breathe. I open my mouth wide, na so I drink enough water to quence my thirst. When I see say I don dey satisfied, I carry my head up. small sized girl wearing for party
I come dey wait make that brown skin girl wey I want toast enter pool. I just dey swim small small. People plenty for the other edge of the pool but I just stay one side. As God will have it, e no reach few minutes. Na so the girl get up. Chai. See formation. The person wey baff this girl sabi work. See as yansh and brex stand. See shape. Even the shape of her road to Jerusalem dey sexy. From the panty she is wearing, you can see the formation of her road to Jerusalem.
She Waka go the end of the pool which is the deepest part, na so she dive enter the pool. We no see her again, within few seconds, she don reach the other side wey shallow. Everybody was like "Wow" She come dey float ontop the water.
Na so some people self start to dey dive enter the pool one by one. I look where sugar dey, one girl don dey with am. Dem dey gist dey laugh. Now now, my friend sugar don get babe. Me too, I must not leave here empty handed. Na so I comot from the pool.
To be continued........